Дипломата не значи и образованост

Луѓето не се свесни за фактот дека ако не се образуваат ќе станат безлична маса без сопствено мислење, а таквите се најподложни на манипулации.

Школуваноста се стекнува со учење и упорност додека образованието со непрестано ширење на видиците, љубопитност и желба од себе си да се направи сестрано, квалитетна особа.

Истражувањата покажуваат дека денес младите лица речиси не читаат ништо, како и тоа дека им е тешко да прочитаат нешто што е подолго од три реченици. Поради нечитањето нивниот речник се сведува на пцости и жаргон.

Поради телевизијата луѓето се повеќе стануваат визуелни типови и ако нешто не им се предочи со слика тогаш им е досадно.

Проблем исто така, претставува достапноста до голем број на информации поради што денес потешко се препознава која информација е добра, а која не е за човековиот дух.