Димовски со нова функција во РК Металург

Поранешниот играч и капитен на Металург, Ванчо Димовски во иднина ќе ја обавува функцијата спортиски директор во клубот од Автокоманда. Димовски ќе има специфични задачи и ќе биде врската меѓу екипата и раководството на клубот.

 

“Подолго време разговарав со раководството на мојот поранешен клуб и најдовме доста заеднички допирни точки. Се надевам дека ќе бидам од полза со својата нова улога во клубот и дека тоа ќе резултира со поголеми успеси на Металург“, изјавил Димовски за клупската интернет страница.

 

“Димовски сега ќе пополни едно од клучните места кое традиционално го има спортскиот директор, а наскоро ќе имаме освежување и во тренерскиот состав, при што ќе ги ангажираме оние кои се докажани во работата со младите категории. Јас како претседател на клубот ги имам достигнато сите успеси овде со Димовски, како капитен и убеден сум дека повторно ќе имаме одлична соработка и ќе оствариме нови успеси“, рекол претседателот на Металург Левче Китевски