Димитриевски повторно ќе го брани голот на Рајо Ваљекано во шпанската Примера
Голманот на македонската фудбалска репрезентација Столе Димитриевски од следната сезона повторно ќе настапува во шпанската Примера, откако неговиот клуб Рајо Ваљекано се врати во прволигашката конкуренција совладувајќи ја во финалето на плејофот екипата на Жирона со вкупен резултат 3:2.
По поразот од 1:2 на домашен терен во првиот натпревар, мадридскиот клуб триумфираше синоќа во реваншот со 2:0 и по пауза од две сезони се врати во Ла Лига.
Рајо Ваљекано дојде во водство преку Алваро Гарсија во седмата минута, а конечниот резултат го постави Оскар Трехо во втората минута од судиското продолжение. Гостите ги одигра завршните 30 минути од натпреварот во Жирона со играч помалку поради исклучувањето на Емилијан Веласкез.
Рајо избори прволигашка промоција без услугите на Димитриевски, кој денеска повторно ќе биде стандарден на голот на македонската репрезентација на завршниот натпревар на „црвено-жолтите“ на ЕУРО2020 против Холандија.
Следната сезона во Примера ќе настапуваат и репрезентативните колеги на Димитриевски, Енис Барди (Леванте) и Александар Трајковски (Мајорка).
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето