Димитриев: Миновски располага со соодветен капацитет да ја извршува функцијата министер за финансии

-Личност која со својата компетентност, едуцираност и богато искуство во областа на финансиите, инвестициите, менаџментот и човечки ресурси, сметам дека располага со соодветен капацитет да ја извршува оваа исклучително значајна и одговорна функција. Тој во текот на своето 17 годишно професионално искуство има работено на голем број различни позиции, како во приватниот така и во јавниот сектор. Во текот на својата професионална кариера во многу наврати бил директно вклучен во реализација на поголем број проекти од областа на фиансиите, платниот и банкарскиот систем, подобрување на конкурентноста на малите и средни компании. Исто така бил ангажиран и од Светска банка што дава квалитет на неговото портфолио. Миновски извршуваше и две исклучително значајни позиции во Државниот пазарен инспекторат и потоа во УЈП. Покажал резултати и позитивно влијаел на проекти за подобра и поефикасна функционалност на овие две институции, рече Димитриев.