Димче Арсовски: Зоран Заев и СДСМ ги ослободија сите можни осудени криминалци во Република Македонија

Зоран Заев и СДСМ ги ослободија сите можни осудени криминалци во Република Македонија. Таков е и случајот со еден од осудените од случајот „Рекет“, Зоран Милески Кичеец.

Вилма Русковска ослободувајќи го осудениот од случајот „Рекет“ и пуштајќи го на слобода дали уште еднаш сака да докаже дека е соучесник во случајот „Рекет“, притоа помагајќи ги нарачателите и Зоран Заев да ги прикријат трагите?

Вилма Русковска од самиот почеток на случајот, истрагата ја водеше непрофесионално и аматерски.

Најпрвин, им остави време на инволвираните да прикриваат докази и траги. Потоа доцнеше со истрагата, во среде случајот си отиде на летен одмор со целото обвинителство. Со очајни напори се обиде да го прикрие изнесувањето на доказите за случајот „Рекет“. И со пиунот на Зоран Заев, Љубомир Јовевски се обидоа да ја ограничат истрагата само на тројца несреќни извршители, за веднаш потоа да сеиспостави дека имало и многу инволвирани, вмешани од врвот на СДСМ.

Ослободувањето на Зоран Милески Кичеец, веќе осуден за случајот „Рекет“ е само показател дека Вилма Русковска работи директно под диктат на Зоран Заев и свесно сака да го прикрие случајот „Рекет“, односно сите докази и трагите, се со цел за да прекине Зоран Милески да ја разоткрива вистината во своите искази и сведочења.

Ако од нешто се плаши Зоран Заев, тоа е од разоткривањето на случајот „Рекет“ бидејќи и самиот директно е вмешан во истиот. Впрочем според исказот навеќе ослободениот Кичеец, Заев му кажал на Бојан 13 дека се пријавени за случајот „Рекет“ во Влада.

Одговорност за сето ова мора да има. И за инволвираните, и за нарачателите, но и за оние кои што помагаат во прикривањето на случајот како што е Вилма Русковска.