Дилма Русеф: Нема да се предадам зашто не сум виновна
Бразилскиот претседател Дилма Русеф изјави дека нема намера да се откаже од борбата против опозицијата и обвинувањата за корупција и за злоупотреба на функцијата, за што се соочува со постапката за импичмент.
- Нема да се предадам и продолжувам да се борам, затоа што верувам дека сум невина жртва во сето ова што се случува, изјави за Би-Би-Си, Русеф.
Во разговорот таа инсистира дека ја има подршката на нејзнината влада и тврди дека нејзните сојузници и подржувачи веруваат оти „импичментот е нелегитимен и илегален„, затоа што, како што смета претседателката, покренатиот процес се заснива врз „лажни обвинувања“.
Русеф се согласува дека во Бразил има раширена корупција и прифаќа дека не се преземени сите мерки за нејзиното сузбивање, но вели дека таа нема направено ништо лошо и протизаконско.
Изјавата за британскиот медиум дека не се предава, доаѓа пред утрешното гласање на сенатската комисија за извештајот, кој преддлага покренување на постапката за импичмент на шефот на државата.
Гласањето во Сенатот за отповикување, доколку предлогот го усвои сенатаската комисија, може да трае до 180 денови и во тие шест месеци, Русеф треба да биде привремено суспенирана од функцијата.
За трајно отповикување е потребно во Сенатот да се изјаснат две третини од сенаторите. Последното испитување на расположението во Годниот дом, покажува дека мнозинство од 81 сенатори подржуваат импичмент за Русеф.
Претходно со забележително мнозинство, за отповикување се определи и Долниот дом на бразилскиот Конгрес, па доколку и Сенатот изгласа една ваква мерка, нов претседтел на Брзил, до крајот на сегашниот втор мандат на Русеф, ќе биде актуелниот потпретседател Мишел Тенер.
Во разговорот за Би-Би-Си претседателката Русеф го овинува Тенер како еден од предводниците на „пучот против демократијата„ како што таа го квалификува целиот прцес за нејзиното отповикување.
Дилма Русеф е обвинета за злоупотреба на податоците за државниот долг, пред изборите на кои таа го освои вториот мандат со тесно мнозинство.
Таа е обвинета и за попречување на правдата, затоа што како претседател ја попречувала истрагата за корупција во државната нафтена компанија „Петробрас“ каде претходно има работено како еден од членовите на Управниот одбор.
Сите овие обвинувања Русеф ги отфрла како „неосновани“.
Ново на Сител
-
Заради обезбедување докази за бесправна градба полицијата влегла во општините Чаир, Сарај, Аеродром и Кисела Вода
-
Тошковски: За пожарите досега приведени околку 20 лица, за дел има основани сомненија дека се организирана група
-
Приведен 46-годишен маж од Крушево поради злоупотреба на службена должност
-
Еднонеделен годишен одмор не можат да си дозволат 27 отсто од граѓаните на ЕУ
-
Тошковски: Македонија е далеку побезбедна од тоа што беше пред две години, за тоа говорат бројките, граѓаните и фактите
-
Со докази од Скај комуникација откриен шверц на кокаин
-
Приведен 42-годишен затворски полицаец, се обидел да внесе дрога во Затвор Идризово
-
Трамп: Ракетите „Патриот“ за Украина се веќе на пат