Дијамантот „Син Опенхајмер“ продаден за рекордни 57,6 милиони долари
Дијамантот „Син Опенхајмер“ беше продаден синоќа на аукција во Женева за рекордни 56,837 милиони швајцарски франци (57,6 милиони долари), соопшти организаторот на аукцијата, британската аукциска куќа „Кристис“.
Претходниот рекорд од 48,6 милиони долари го држеше дијамантот „Сина месечина“ и тој беше продаден во ноември минатата година.
Новиот рекордер тежи 14,62 карати. Тој бил сопственост на сер Филип Опенхајмер, кој ја раководел компанијата „Дајамонд синдикат“.
Пред аукцијата дијамантот беше проценет на 38 милиони до 45 милиони долари.
Аукцијата почна со цена од 30 милиони швајцарски франци, а постепено таа се претвори во драматичен дуел преку телефон меѓу двајца потенцијални купувачи, кој траеше 20 минути.
Идентитетот на купувачот досега не е објавен.
Ново на Сител
-
Анкета на ИРИ: 68% од Македонците поддржуваат членство во ЕУ
-
„Епл“ ги претстави новите „Ајпад про“ таблети
-
„Опен-АИ“ со новости околу „Чет-ГПТ“
-
Словенец ќе биде главен судија во финалето на Лигата на шампионите
-
Гвардиола: Да беше до парите, Јунајтед требаше да ги освои сите титули
-
Разрешен е директорот на Токсикологија, Данил Петровски
-
СИРИЗА ќе ги поднесе во грчкиот Парламент трите меморандуми со Северна Македонија
-
Пендаровски се откажа од државна пензија