Девојче, жена и маж се повредени – со возило излетале од пат кај Страцин

Вчера во 12.05 часот во Полициската станица Кратово било пријавено дека на магистралниот пат А-2 во с. Страцин, кратовско, на место викано „Поповски рид“ патничко возило „фолксваген поло“ со кратовски регистарски ознаки, управувано од Б.С.(59) од село Туралево, кратовско, излетало од коловозот, соопшти МВР.

Во несреќата со тешки телесни повреди се здобила неговата сопатничка Х.А.(33) од Кратово, а со телесни повреди се здобил возачот на возилото и малолетна сопатничка од Кратово, констатирани во Градската општа болница Куманово. Извршен бил увид од увидна екипа од ОВР Кратово, додаваат од МВР.