Детскиот фолклорен фестивал „Оро без граници“ – симбол на пријателство меѓу децата
ЈУ Детскиот културен центар – „Карпош “ од 19 до 22 овој месец по 28-ми го организира Меѓународниот детски фолклорен фестивал „Оро без граници“ 2019 – симбол на пријателство меѓу децата.
Пред централниот настан, сите гости тргнувајќи од ДКЦ – „Карпош“ го почнуваат фестивалското дефиле, кое завршува на плоштад „Македонија“.
– Централниот настан ќе се одржи на 21 септември на плоштадот „Македонија“ со почеток од 18:30 часот, а фестивалот официјално ќе биде отворен од директорката на ДКЦ „Карпош“ Билјана Лалчевска Серафимовска. Фестивалот ќе почне со најпознатите македонски игри и ора кои ќе ги изведат членовите на играорната секција од ДКЦ „Карпош“, соопштуваат од прес-службата на ДКЦ „Карпош“.
Во досегашното одржување на овој фестивал, Градот Скопје и Република Северна Македонија биле домаќини на повеќе илјади странски и исто толку домашни деца-фолклорци. На фестивалот се поканети гости од Србија-Јагодина, Грција, Словачка и Турција, а покрај гостите од странство ќе учествуваат и македонски ансамбли.
– Децата играорци преку шаренолкоста на костимите и оригиналноста во кореографските движења ќе ја претстават традицијата и културата на својата земја и по 28-ми пат ќе формираат едно големо „Оро без граници“, се вели во соопштението.
Покрај официјалниот дел, на гостите ќе им бидат претставени атрактивни локации во Градот Скопје: Зоолошката градина, Музејот на илузии, Старата Скопска Чаршија и знаменитостите на Скопје.
Ново на Сител
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар