Детали за сообраќајката на Маџиров: Во кома префрлен на Неврохиругија

Вчера во 16.10 часот на магистралниот пат А-4 Штип – Радовиш на 2км после крстосница 20км, во насока на движење кон Радовиш, се случила сообраќајна незгода при разминување на Влекач „Даф“ со кумановски регистарски ознаки и Приклучно Полуприколка „Шмитз“ управувано од Н.А.(1977) од Куманово и патничко возило „Мерцедес Е-220“ со струмички регистарски ознаки сопственост и управувано од Зоран Маџиров (1968) од Струмица.

Во незгодата со тешка телесна повреда, кома со крварење во черепна регија и повеќе рани во главата  се здобил Маџиров, кој со возило на итна медицинска помош бил пренесен во Медицинскиот Центар -Струмица од каде како итен случај бил препратен во Клиничкиот Центар-Скопје на клиниката за Неврохирургија.

Увид на лице место извршиле јавен обвинител и увидна екипа од СВР-Штип.

Сообраќајот бил во прекин до 20.50 часот, а потоа е целосно нормализиран.