Македонија
24. July 2015 - 12:03

Детали за сообраќајката кај Тетово - Познат идентитетот на загинатите момчиња

Две момчиња загинаа, едно е потешко, а друго полесно повредено во сообраќајна несреќа која утринава се случи на патот Тетово- село Пирок, кај Долно Палчиште.
 
Според информациите од полицијата, возачот на автомобилот „БМВ“, 21-годишниот В.А. изгубил контрола над возилото, по што истото се превртело на кров. Во несреќата на лице место животот го загубија 20 годишниот Суат Е. и 23-годишниот Мирсад А.
 
Возачот со  тешки повреди е пренесен и задржан во Медицинскиот центар во Тетово, а со полесни повреди поминал четвртиот сопатник, Х.И. (20). 
 
Увид извршиле екипи од СВР Тетово во присуство на јавен обвинител, а телата на починатите ќе бидат предадени на обдукција.