Детали од УХМР - Еве каде падна најмногу дожд и какво време не очекува во наредниот период

Облачно време со врнежи со променлив интензитет преовладуваше вечерва на целата територија на државата. Врнежите се пообилни во западните подрачја, а во овие моменти врнежи нема само во крајните источни делови, информира Управата за хидрометеоролошки работи.

За 12 часа (од осум до 20 часот) најмногу дожд наврнало во Лазарополе (32 литри на квадратен метар). Во Пожаране 30, Тополчани 23, Битола 21, Скопје - Зајчев Рид 20, Скопје - Петровец 19, Тетово 17, во Гевгелија и во Претор по 16 литри на квадратен метар, во Прилеп 10, во Охрид, Ѓуриште и во Демир Капија по осум, четири во Штип и два литра на метар квадратен во Струмица.

УХМР соопшти дека во текот на ноќта ќе се задржи облачно време со повремени врнежи од дожд кои ќе бидат пообилни во западните и јужните делови. Во втората половина од ноќта се очекува да има помалку врнежи и со послаб интензитет. 

Во скопското подрачје, исто така, во текот на ноќта ќе има врнежи од дожд со променлив интензитет. хс/21:01