Дескоска и Филипче ќе го отворат прашањето за одвивањето на судењата поради коронавирусот
Прашањето за одвивањето на судењата со оглед на новонастанатата состојба со коронавирусот се очекува да биде отворено денеска од ресорните министри.
Министерката за правда Рената Дескоска за МИА изјави дека веројатно денеска на седница на Владата ќе се отвори и ова прашање, а за што средба со неа најави и министерот за здравство Венко Филипче со цел да се донесе одлука за да се заштитат луѓето од вирусот.
-Секојдневно изминативе два дена се гледам со Филипче пред и на седници на Влада. Веројатно и денес ќе има седница на Влада и ќе се отворат и тие прашања, изјави за МИА Дескоска.
Филипче, одговарајќи на новинарски прашања на редовната прес-конференција за состојбата со коронавирусот, рече дека судот е место каде циркулираат голем број луѓе, поради што ќе разговара со министерката за правда и дополнително ќе донесат одлука како ќе постапат и ќе ја соопштат.
Од Основен кривичен суд Скопје претходно информираа дека се одржуваат сите судења за кои постојат законски услови за тоа и оти Судот доследно ги почитува препораките на Владата за превенција од ширење на коронавирусот.
Во Основен кривичен суд во Скопје денеска се одржа рочиштето за случајот „Рекет“, а главна расправа за предметот „Т.Н.Т.“ беше одложена за 19 март поради немање законски претпоставки за одржување на расправата, односно отсуство на еден од обвинетите, а не по одлука на Судот.
Ново на Сител
-
Се санираат последиците од невремето во Тетово и Скопје, бројни пријави за претпрена материјална штета
-
Успешна мисија: Спасено 16-годишно девојче кое паднало во дол
-
На Табановце се чека 15 минути, на другите гранични премини нема подолги задржувања
-
Собранието ќе ги пополни местата на пратениците кои станаа министри
-
Асанж пуштен од затворот во Велика Британија
-
Почнува собраниската постапка за дополнување на Законот за енергетика за да се намали цената на струјата од 1 јули
-
Официјално претставување на проектот за развој на парк на ветерници, вреден над 500 милиони долари
-
Македонија трета во Европа според стапката на смртни случаи од огнено оружје