Десетто издание на манифестацијата „Денот на гравот“ во Теарце
Во тетовско Теарце се одржа 10-то издание на манифестацијата „Денот на гравот“ чија цел е промоција на најпознатиот земјоделски производ во регионот. Посетителите како и секоја година имаа можност да дегустрираат храна подготвена од ученици и да вкусат грав, во организација на Центарот за едукација и развој (ЦЕД) од Теарце.
-Десет години опстојуваме и покрај сите потешкотии со кои се соочуваме. Продолжуваме со манифестација која е богата со гости, активности и програма. Една од целите е да бидат сите на една маса. Тоа може да се види и денеска без разлика на сите поделби на општеството, сите заедно сме тука без предрасуди, изјави Лазар Ѓорѓевски од ЦЕД.
Министерот за дијаспора Едмонд Адеми истакна дека оваа манифестација е една од тие што ги обединува луѓето.
-Пред 10 години беше една манфестација која почна заради промоција на земјдеолски производ и стана манифестација која обединува по етничка и религиозна основа, што е убавината и на регионот и на државата, да покажеме дека имаме култура и традиција на заедништво, рече Адеми.
Сите посетители имаа можност да пробаат од гравот кој го подготви готвачот Димко Ѓорѓески. -За над 400 лица ставивме 20 килограми грав, пет килограми пиперки, пет килограми кормид и еден килограм лук. Гравот годинава е добар иако имаше мал род, објасни готвачот.
На манифестацијата традиционално настапија културно-уметнички друштва од трите националности – македонска, албанска и турска кои живеат во регионот. Настанот беше збогатен и со одбележување на Европскиот ден на зелениот појас, со изложба на фотографии и филмови од германската фондација Евро-натур. Во канцеларијата на ЦЕД се организираше и акција за дарување крв, во соработка со Црвениот крст на Република Северна Македонија.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок