Десетици загинати украински војници во руски напад врз касарна во Миколаев

Десетици војници се убиени откако руски војници нападнаа украинска воена касарна во јужниот град Миколаев, изјавија денеска очевидци за западни медиуми додека трае спасувачката операција.

Според нив, во касарната имало околу 200 војници вчера во момент кога била нападната од руски војници.

Извлечени се најмалку 50 тела, тврдат тие и додаваат дека бројот на загинати е над 100.

Властите се уште не објавија официјален број на загинати.