Десетици илјади луѓе евакуирани во Јужна Индија
Десетици илјади луѓе беа евакуирани денеска во кампови за помош под управата на владата во јужно-индиската држава Тамил Наду, додека поплавите и натаму се закана за населението, пренесува Фена.
Владата постави 97 кампови за да се помогне во обезбедување на сместување и храна за околу 62.000 луѓе. Локалното население, сепак, се жалат дека нивните домови се уште се поплавени, а помошта од владата доаѓа многу бавно или воопшто не доаѓа.
Снабдувањето со електрична струја се уште е нередовно откако градските власти ја исклучија електричната енергија со цел да се спречат смртните случаи предизвикани од кратките споеви. Фиксните мрежи и мобилните телефони работат со прекини. Повеќе од илјада луѓе користеле Твитер и други социјални мрежи за воспоставување на контакт со пријателите и членовите на семејствата.
Пристапот кон регионот се уште е блокиран, затоа што аеродромот и железничката станица се поплавени.
Индискиот Метеоролошкиот завод денеска соопшти дека дождовите ќе ослабат во интензитет, но додаде дека новите дождови и грмотевици се многу веројатни.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите