Десет студенти од Кавадарци добија стипендии од Фондацијата ,,Никола Јанчев”

Десет студенти од Кавадарци добија стипендии од Фондацијата „Никола Јанчев”. Новите стипендисти кои студираат на разни факултети, ќе добиваат по осум илјади денари во наредните девет месеци, а се доделува и стипендија за кавадарчанка без родители која студира медицина.

-Тие ќе продолжат успешно да ги реализираат своите животни соништа. Секој нивен успех е наша победа, рече Јанинка Чупаркоска во име на Фондацијата, и нагласи дека ќе продолжат да ја препознаваат вистинската потреба и да помагаат онаму каде што е најпотребно.

Градоначалникот Митко Јанчев потсети дека неговата плата редовно се донира преку оваа фондација, а финансиски средства издвојува и семејната компанија „Кожувчанка”. Фондацијата беше основана во чест на неговиот татко кој почина пред 14 години.