Денвер израмни против Клиперс, Торонто се враќа во игра против Бостон
Тимот на Денвер Нагетс забележа победа над Лос Анџелес Клиперс во натпреварот бр.2 од полуфиналето на Западот. „Грутките“ го добија мечот со 110:101 (44:25, 28:31, 17:21, 21:24), откако одиграа одлична прва четвртина, по која обезбедија водство од 19 поени, што се покажа како недостижно за Клиперс.
Sвездите на Денвер, Никола Јокиќ и Џамал Мареј комбинираа 53 поени, а покрај тоа, уште четворица играчи од ротацијата на главниот тренер Мајк Мелоун успеаја да реализираар двоцифрен број поени. Мареј постигна 27 поени и 6 асистенции, „Џокерот“ се истакна со „дабл-дабл“ од 26 поени и 18 скока, Гери Харис и Пол Милсап додадоа по 13 поени, Мајкл Портер Џуниор постигна 11 поени за 16 минути од клупата, а Монте Морис постигна 10 поени.
Во другиот дуел за вечерта, Торонто Репторс израмни во полуфиналето со Бостон Селтикс. Канаѓаните ги совладаа „келтите“ со 100:93 (31:27, 18:22, 32:24, 19:20) во мечот бр.4 и се вратија во игра, откако заостануваа со 0-2 во победи.
Потсетуваме, во третиот натпревар од серијата Бостон беше на половина секунда од водството од 0-3, но тројката на Оу Џи Ануноби со сирената може да стане решавачка за конечниот исход од битката меѓу двата тима.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа