Денот на планетата Земја ширум светот се одбележува со Марш за науката
Ширум светот денеска се одбележува Денот на планетата Земја, а во многу земји по тој повод се одржува Марш за науката, со цел да се подигне свеста на јавноста за важноста на науката, научните факти и финансирањето на научните истражувања, особено на оние поврзани со климатските промени.
Маршот, кој беше покренат поради загриженост од подемот на „алтернативните факти“ ќе биде одржан во 500 градови ширум светот, а во Австралија и на Нов Зелан веќе се собраа повеќе илјади луѓе во знак на поддршка на науката.
Учесниците на протестот во Сиднеј, облечени во бели лабораторски мантили ги повикаа политичарите да ја поддржат научната заедница, носејќи транспаренти, на кои е напишано „без наука, тоа е само фикција“ и „потреби ни се мислители, а не пророци“.
Протестите во Австралија се случуваат во момент кога американскиот потпретседател Мајк Пенс ја завршува тридневната посета на таа земја.
Иако организаторите на маршевите во САД тврдат дека се непартиски, признаа дека републиканската администрација на Доналд Трамп, кој вети дека ќе го намали буџетот за истражувањето на најдобрите американски агенции, го покренала движењето. Маршот за наука настана како реакција на постапките на Трамп и неговата администрација, која ги доведува во прашање научните факти за глобалното затоплување, но и ја загрозува слободата и јавното финансирање на науката.
Ново на Сител
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа