Дени Котон: Би било чудо некој да биде пронајден жив во зградата во Лондон

Би било чудо некој да биде пронајден жив во зграда во Лондон која вчера беше „проголтана“ во пожар, изјави денеска комесарот на пожарната служба во Лондон, Дени Котон.

Во изјава за Скај таа рече дека властите не очекуваат некој да биде пронајден жив и дека е рано за тврдења за тоа што е причина за пожарот.

- Во утринските часови се изгаснати и последните жаришта, додаде таа.

Котон рече дека пожарникарите не можеле да извршат целосна пребарување на 24-катната зграда Грифел во западниот дел од Лондон бидејќи не е безбедно да се движат по рабовите на зградата.

Досега во пожарот загинаа 12 луѓе, 78 се хоспитализирани, од кои 18 се во критична состојба.

Бројот на исчезнати не е утврден. Доброволци и хуманитарни организации собраа повеќе од милион фунти за помош на жртвите од пожарот.