Денеска во Москва ждрепка за СП 2018 година

Вниманието на целокупната светска фудбалска јавност денеска е насочено кој Москва, каде ќе се одржи ждрепката за изгледот на групите за Светското првенство 2018 година во Русија. 

 

На рускиот Мундијал ќе настапат 32 земји кои ќе бидат распоредени во четири шешири пред извлекувањето на групите.

 

Во првиот шешир се сместени: Русија, Германија, Бразил, Португалија, Аргентина, Белгија, Полска и Франција.

 

Втор шешир: Перу, Шпанија, Швајцарија, Англија, Колумбија, Мексико, Уругвај и Хрватска.

 

Трет шешир: Иран, Сенегал, Египет, Тунис, Шведска, Костарика, Данска и Исланд.

 

Последниот (четврти) шешир го сочинуваат: Србија, Нигерија, Австралија, Јапонија, Мароко, Панама, Јужна Кореја и Саудиска Арабија.

 

Селекциите ќе бидат поделени во осум групи по четири репрезентации. 

 

Свечената церемонијата, како и ждрепката за СП ќе започне од 16 часот, а ќе се одржи во Кремљ.

 

Мундијалот во Русија ќе се игра од 15 јуни до 14 јули 2018. Бранител на трофејот е Германија, а за прв пат на завршницата ќе настапат Исланд и Панама.