Денеска во Давос прва средба меѓу Заев и Ципрас

Претседателот на Владата на Македонија Зоран Заев, од денеска до 26 јануари, ќе учествува на годинашниот Светски економски форум во Давос, Швајцарија, на кој учествуваат шефови на држави и влади, други државни претставници, како и лидерите на најголемите компании во светот.

На маргините на собирот тој ќе се сретне со грчкиот премиер Алексис Ципрас. Инаку, како дел од активностите, предвидено е премиерот Заев в петок да оствари средба со еврокомесарот за европска соседска политика и проширување, Јоханес Хан.