Денеска облачно и врнежливо време

Времето во Македонија ќе биде значително облачно со повремени врнежи од дожд, особено во претпладневните и пладневните часови.

Повеќе врнежи се очекуваат во северните делови од земјава, а во останатите ќе има и сончеви периоди. Ќе дува умерен северозападен ветер, кој долж Повардарието повремено ќе засилува. Минималните температури ќе се движат од 6 до 12, а максималните од 14 до 24 степени.

Во Скопје претежно облачно со повремен дожд и со умерен северозападен ветер. Тeмпературата ќе достигне до 19 степени.

Значително облачно со повремени врнежи од дожд ќе биде и утре, особено во западните делови од земјава. Ќе дува умерен северен ветер. Во среда претпладне на запад се уште ќе има услови за локален дожд, а во останатите делови ќе биде посончево. Од четврток времето ќе биде стабилно со значителен пораст на температурата и со умерен јужен ветер.