Денеска ќе се исплатат пензии со покачување од 621 денар

На околу 300 илјади пензионери денеска ќе им се исплатат пензиите со покачување од 621 денар. Со овогодинашното покачување просечната пензија ќе достигне 13.085 денари.

Ова е покачување за 70 отсто во однос на 2006 година, кога просечната пензија изнесуваше 7.638 денари.

Во октомври 2016 година ќе има ново покачување на пензиите од 650 денари.  Законските измени кои треба да го овозможат ова покачување неодамна беа усвоени во македонското Собрание.

Средствата за новото покачување се веќе обезбедени со Предлог буџетот за 2016 година.