Денеска е Св. Варвара:Сварете пченка за богат род и благосостојба
Еден од поголемите празници што нашиот народ ги празнува со домашни служби е и празникот на светата великомаченичка Варвара. Обично се празнува со домашни служби, се вари пченка – за да се завари, да се затече жито во полето и во амбарите.
Повеќе села и топоними низ цела Македонија го носат нејзиното име што зборува за раширеноста на нејзиниот култ кај нас.
Житието сведочи дека света Варвара се роди во Хелиопол за време на царувањето на Максимијан. Татко и’ беше паганин. Се викаше Диоскор и беше многу богат човек. Варвара израсна во осама, во богатите дворови на татко ѝ. Нејзината мисловност и помогна да го познае Бога преку величината и совршеноста на созданието. Подоцна се крсти. Кога татко ѝ дозна за тоа, ја предаде на властите. Света Варвара претрпе големи измачувања заради Христа и најпосле ја погуби нејзиниот безумен татко.
Нејзините мошти се наоѓаат во Киев, а светото предание сведочи дека таа повеќе пати се јавувала некогаш сама некогаш со пресвета Богородица.
Денес Црквата го слави и свети Јован Дамаскин. Живееше во осмиот век. Со голема ревност и длабочина на мислата го бранеше Православието и почитувањето на иконите од иконоборците.
Ново на Сител
-
Уапсен 73-годишен од Крушево, во неговиот дом пронајдени оружје и дрога
-
Здравствени работници бараат повисоки плати, бенефициран стаж, инфективен додаток
-
Потпишан Кодексот за фер и демократски парламентарни избори
-
Интересот за тутунопроизводство останува, но не и задоволството од цените
-
Најмалку 63 луѓе го загубија животот во невреме во Пакистан
-
На полноќ почнува кампањата за парламентарните избори
-
Денешни активности на претседателските кандидати
-
Нетранспарентно се трошат парите на родителите во училиштата