Демир Капија оди во втор круг, разликата меѓу двајцата кандидати за градоначалник 72 гласа

Демир Капија оди во втор круг од локалните избори, разликата меѓу двајцата кандидати за градоначалник  е 72 гласа, информираше денеска Стојна Топчиева, претседател на Општинска изборна комисија.

- Кандидатот за градоначалник од редовите на СДСМ и коалицијата Лазар Петров освои 1.419 гласа, а Трајче Димитриев од ВМРО-ДПМНЕ и коалиционите партнери доби 1.347 гласа. Гласаа 2.868 избирачи, а излезноста беше 84.25 отсто, соопшти Топчиева.

Кога се во прашање листите за советници, ВМРО-ДПМНЕ и коалицијата добија 46.27 отсто од гласовите и четири советнички места, а СДСМ и коалиционите партнери 49.90 проценти и пет места за советници.