Делев растура на „Твинго куп“
Мартин Делев е победник на втора трка што се одржа на патеката во Кичево, во рамки на „Твинго куп“.
Делев до својот втор триумф сезонава дојде со вкупно време од 28:15.846 минути. На победничкиот подиум се искачи и Давид Малинковски, кој финишираше на втората позиција со задоцнување од 0.356 секунди, додека трет беше Емил Нацка.
Ангелчо Стојковски беше четврти, а до седмата позиција се пласираа Слободан Трајковски, Иван Стефановски и Ненад Костовски.
Сашо Кочевски не ја стартуваше трката, додека пак Томислав Трајковски излета на двојната десна кривина во деветиот круг и не беше во можност да ја продолжи трката.
На патеката во Кичево имаше лоши временски услови, no натпреварувачите го прифатија предизвикот да возат на влажна патека и при вакви услови да го покажат својот тркачки талент.
На крајот од секоја сезона победниците, односно за првите три места се предвидени парични награди, додека пак на крајот од третата сезона како главна награда на „Твинго куп“ CUP е 100 отсто електричното возило „Renault Twizy“.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари