Делегација од ССК во посета на Чешка
Претставници на Сојузот на стопански комори на Македонија престојуваат во четиридневна посета на Чешка.
Посетата се реализира во соработка со Министерството за локална самоуправа и Програмата за развој на Обединетите нации во рамки на проектот „Подобро управување за зголемена конкурентност на четири плански региони (Вардарски, Полошки, Скопски и Источен)“.
Целта на посетата е претставување и споделување на примери и позитивни практики од чешкото искуство во однос на привлекување на странски инвестиции и унапредување на бизнис климата на регионално ниво.
Во рамки на посетата, извршниот директор на ССК, Митко Алексов се сретнал со претставници од чешката Стопанска комора со кои, како што соопшти ССК, е постигнат договор за взаемна конкретна соработка, а најавен е и бизнис форум кој е планирано да се одржи во јуни во Скопје, за кој постои заинтересираност од чешки компании.
Алексов ги посетил и Технолошкиот центар во Храдец Кралове, каде се присутни голем број старт ап компании од ИТ секторот, индустриски дизајн и компании од прехранбената индустрија.
Делегацијата на ССК остварила средби и со чешки владини институции и други институции кои го следат и поддржуваат развојот на приватниот сектор. - Во оваа насока, посетата придонесе за остварување на услови за отпочнување на потенцијална идна соработка помеѓу коморите од двете земји од областа на туризмот, градежништвото, енергетскиот сектор, металопреработувачката и прехрамбената индустрија, а исто така најавени беа и потенцијални инвестиции во Македонија од страна на чешки компании, се вели во соопштението од ССК.
Владата на Република Македонија и Владата на Република Чешка имаат потпишано договор за економска и индустриска соработка во 2010 година и протокол за утврдување на насоките на економските и трговските односи меѓу двете земји.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд