Дејвид Швендиман е избран за главен обвинител за специјалниот суд на Косово

Американецот Дејвид Швендиман денеска е избран за главен обвинител во специјалниот суд во Хаг за истражување на воените злосторства направена за време на војната на Косово во 1998 и 1999 година.

Судот ќе ги истражува злосторствата направени над Србите, од страна на Ослободителната војска на Косово (ОВК) за време на судирот и по него. 

Во соопштението на портпаролот на Специјалната истражувачка екипа од ЕУ на Косово (СИТФ), Жоао Соузе, се наведува дека Швендиман на 1 септември е поставен на чело на Канцеларијата на специјалниот обвинител (СПО). 

Швендиман претходно беше главен обвинител на СИТФ, а кон крајот на минатата деценија  беше обвинител за воени злосторства во Босна и Херцеговина. 

По неговото именување СИФТ се трансформира во СПО.

По повод неговото именување, тој изјави дека тоа претставува чекор на патот кон воспоставување на институции што се предвидени со косовски закони и нивното функционирање по највисоки меѓународни стандарди.