Дефект на една од главните водоводни цевки причина за прекинот со водоснабдувањето во Тетово
Дефект на примарна водоводна мрежа, односно на една од главните цевки во Тетово е причина што од вчера попладне нема вода за пиење во делови од градот, информираа од Јавното комунално претпријатие Тетово.
Според нивните податоци во текот на вчерашниот ден било утврдено дека има дефект на цевка Ф-400 на улица „Цветан Димов“ што се наоѓа во близина на објектите на СВР Тетово. Поради тоа било прекинато водоснабдувањето и започнато со поправање на дефектот вчера во 17 часот и 30 минути. Прекинот во водоснабдувањето ќе трае се до целосната поправка на дефектот инфомираат од ЈКП Тетово.
Според податоците од работата организација Водовод и канализација при ЈКП Тетово во моментот издашноста на планинските извори од каде се снабдува градот со вода за пиење е повеќе од 500 литри вода во секунда. Ова значи дека во овој период градот ќе нема проблеми со редовното водоснабдување, а евентуалните прекини се поради честа појава на дефекти на водоводната мрежа поради старата и дотраена мрежа.
И покрај најавите за доволни количини вода за пиење во текот на летото надлежните апелираат таа рационално да се користи, бидејќи граѓаните често знаат да ја злоупотребуваат токму во овој период за миење на улиците пред своите куќи или деловни објекти, вадење на дворовите и градините и слично
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари