Дедо Мраз на мотор по 11-ти пат во Куманово

Во Куманово, по 11-ти пат се одржа манифестацијата „Дедо Мраз на мотор“ која традиционално ја организира мото клубот, „Мечки“.

И овој пат моторџиите од Куманово и другите градови од државата успеаја да ја доловат новогодишната магија и да предизивикаат восхит меѓу најмладите кумановци. Добра волја, капа на Дедо Мраз и секако мотор е потребно да се учествува на оваа манифестација.

Учесниците подарија новогодишни подароци, слатки и играчки за децата кои беа присутни на градскиот плоштад. Средствата за оваа донација ги собрале членовите на Мото клубот и нивни пријатели.

-Манифестацијата е хуманитарна и овој петок ќе ги посетиме децата со интелектуална попреченост во Дневниот центар за деца со посебни потреби кое е под ингеренции на МТСП и ќе однесемe новогодишни подароци, изјави Виктор Михајловски од Мото клуб „Мечки“.

Децата, но и повозрасните уживаа во глетката на Дедо Мраз на мотор кои возеа низ кумановските улици.