Децата и тренерот не се единствените кои чекаат спас: Еве уште кои се со денови со нив во пештерата

Ако се оди според планот, до крајот на денот ниту еден член на младиот фудбалски тим нема да биде заробен во внатрешноста на пештерата, меѓутоа четирите деца и тренерот не се единствени кои денеска ќе ја напуштат пештерата.

Шефот на спасувачката мисија рече дека пред нив е тешка задача, зошто освен децата и тренерот на површината треба да се извлече и лекарот и уште тројца нуркачи кои се наоѓаат во пештерата заедно со членовите на фудбалскиот тим.

„Првиот ден ни требаа 11 часа, вчера 9, а денеска се надеваме дека тоа ќе го направиме за исто време како и вчера, или побрзо“, рече тој.

Инаку, вчера утро почна акцијата за спасување на преостанатите заробени во пештерата на северот од Тајланд.