Дебранец се обидел да убие сограѓанин

На триесет и осумгодишен жител на Дебар поднесена му е кривична пријава поради сомнение за сторено кривично дело „убиство во обид“. 

– Одделението за внатрешни работи – Дебар поднесе кривична пријава против Б.К.(38) од Дебар поради постоење основи на сомнение за сторено кривично дело „убиство во обид“. Тој, на 15-ти месецов околу 8 часот на локален пат во месноста „Удово“ покрај Дебарското Езеро, со остар предмет го нападнал Д.Љ.(32) од Дебар, нанесувајќи му повреди, информираше Стефан Димоски, портпарол на Секторот за внатрешни работи – Охрид. 

Нападнатиот бил пренесен во дебарската општа болница со проширена дејност, каде му била пружена прва медицинска помош а потоа транспортиран во Специјалната болница за ортопедија и трауматологија Охрид „Св.Еразмо“ во Охрид.