Дебранец почина од Ковид-19
Почина пациент во ковид центарот во инфективното одделение при Општата болница со проширена дејност во Дебар, каде се третираат болни од Ковид-19, што е 38 жртва од овој вирус.
– Пациентот е на 86-годишна возраст. Беше хоспитализиран во нашиот ковид центар повеќе денови, но за жал и покрај сите напори на здравствениот персонал почина утрово. Моментно имаме двајца пациенти на кислородна поддршка, но во стабилна состојба, двајца се третираат во дневната болница, што значи добиваат терапија, малку одмараат и заминуваат во своите домови, додека на амбулантски прегледи во просек дневно имаме по десет пациенти. Еден пациент од Дебар имаме во здравствена установа во Скопје, изјави за МИА, доктор Арбијон Колари.
Додава дека последните денови се забележува зголемен број на лица кои доаѓаат на преглед, но и на заразени, што според него е последица на непочитувањето на мерките за заштита од страна на младите, кои вирусот го пренесуваат дома на повозрасните членови во семејството.
Според официјалните податоци, пред два дена од направени 12 тестови, позитивни на вирусот биле шест лица, на различна возраст. Се очекуваат резултати од уште 14 тестови.
На подрачјето на Дебар и Центар Жупа, од почетокот на пандемијата вкупниот број на заразени се 826, активни на болеста се 31, додека починале 38 лица, речиси по идентичен број од двете општини.
Деновиве зголемен е бројот на издадените парични платни налози за непочитување на мерката за носење заштитна маска. Во изминатите три дена, полициските службеници констатирале 56, а овој месец вкупно 150 прекршоци.
Ново на Сител
-
На аеродром во Индија пронајдени 48 отровни змии и пет желки во куфер
-
Турција: Парична казна од 12.000 евра за кинење на загрозен вид цвеќе
-
Диносаурусите можеби имаат одговор за ракот, според британски научници
-
Зеленски: Путин чувствува неказнивост
-
Обвинителниот акт за случајот „Онкологија“ одобрен во целост
-
Трамп побарал Белата куќа да истражи дали сојузниците на Бајден ги прикривале неговите наводни ментални проблеми
-
ДСЗИ: Во тек инспекциски надзори во три здравствени установи во врска со починатото тригодишно дете од Кавадарци
-
Вонреден инспекциски надзор во Болница-Кавадарци, формирана и внатрешна комисија во врска со починатото тригодишно дете