Дебата за застапеност и квалитет на истражувачките новинарски текстови
Центарот за граѓански комуникации денеска во Скопје организира дебата на тема „Застапеност и квалитет на истражувачките новинарски текстови“.
На дебатата ќе бидат претставени наодите од вториот последователен мониторингот на медиумите за застапеноста и квалитетот на истражувачките и аналитичките новинарски текстови, како и за темите и областите на кои се однесуваат.
Предмет на директен мониторинг беа 10 медиуми во земјата односно новинарските натписи во нив објавени во периодот март, април и мај 2017 година. Станува збор за комбинација од квантитативен и квалитативен мониторинг кој како резултат, покрај нумерички податоци, ќе даде и сознанија за квалитетот на анализираните написи, во смисла на запазување на професионалните новинарски стандарди.
Се очекува на дебатата да се отворат прашањата за слабата примена на техниките на истражувачко новинарство во земјата и за начините за надминување на дел од ограничувачките фактори.
Дебатата се организира во рамките на проектот „Истражувачко новинарство за поттикнување реформи“ финансиран од Европската Унија.
Проектот го спроведува Центарот за граѓански комуникации во партнерство со Балканска истражувачка мрежа БИРН и НВО Инфоцентар.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца