Дебарско Езеро преполно од капачи
Брегот на Дебарското Езеро, посебно кај градската плажа денеска беше преполно од капачи.
По слободна проценка се разладуваа и рекреираа над илјадa, главно млади.
Во овој еден од најубавите делови во градот заедно со неговите жители пријатни мигови минуваат и гости од други делови на државава, кои по роднинска или пријателска линија, престојуваат во градот, како и деца на нашинците од повеќе западно европски земји, главно од Италија, Германија и Луксембург.
Присутните имаат можност и да се освежат со по некој пијалак, но и да испијат кафе, да замезат или ручаат во повеќето кафулиња. Сопствениците пред секое од нив ги имаат уредено и плажите. За случајните или намерни патници, кои тука ќе одлучат да останат и повеќе од еден ден во непосредна близина се наоѓа и новоизградениот хотел „Леон“ кој нуди услуги со највисок квалитет.
Што се однесува до безбедноста на капачите за тоа се грижи екипата спасувачи на вода, која ја сочинуваат шест момчиња, кои како и ланското лето се лоцирани на две локации на градската плажа.
По повеќе од една деценија, по првпат спасувачи на вода на дебарската плажа имаше ланското лето,б лагодарение на финансиската подршка на татковинското друштво „Дибра“ на дебарчани во САД, кои и годинава издвојуваат финасиски средства за оваа цел.
Во летните жештини, долж брегот, почнувајќи од селото Долно Косоврасти до месноста „Три чешми“ (Манастирец) има повеќе стотици а за време на викенд и неколку илјади капачи, но и рекреативни риболовци, кои не се само локални жители туку и од други градови во Македонија но и од Косово.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња