Дебарските пожарникари за три месеци евидентирале 31 интервенција
Дебарската територијална противпожарна единица, во првиот квартал од годинава имала 31 интервенција, што е за 20 интервенции повеќе споредено со истиот период минатата година.
- Од вкупниот број 17 се интервенции на отворен простор, 8 на објекти, две на сообраќајни средства, додека останатите 4 се технички интервенции. Во истиот период минатата година имавме 11 интервенции, што беше најмала бројка во седумдецениската статистика на нашата единица. Претходната година пак за три месеци имавме 37 интервенции, од нив дури 27 на запалени оџаци, изјави за МИА, Џетан Мифтароски, командир на единицата.
Имајќи предвид дека сè уште се наоѓаме во период на грејна сезона, Мифтароски апелира до граѓаните редовно да ги чистат оџаците, бидејќи години на ред тие се главната причина за пожари на објекти.
Исто така апелира да не се пали вегетација и да се внимава при движење на отворен простор да не се фрлаат догорчиња од цигари или палат огнови.
Четиринаесетте дебарски пожарникари, освен во општина Дебар, интервенираат и во општините Центар Жупа и Маврово и Ростуше, односно подрачјето на Река, но по потреба, од хуман аспект, интервенираат и во пограничниот појас на албанска страна, што е во рамки на воспоставената соработка меѓу општините, Дебар и Пешкопеја.
Ново на Сител
-
Панел - дискусија посветена на аутизмот во Кисела Вода
-
Бигорски ги кани верниците на одбележување на Цветници во црквата „Успение на Пресвета Богородица" во Дебар
-
Министерот Муцунски денеска ќе учествува на 4. Анталија Дипломатски Форум
-
Келог: Украина може да биде поделена како Берлин по Втората светска војна
-
Белата куќа ќе ги објави целосните резултати од систематскиот преглед на Трамп
-
Втор ден од собирот „Не ја даваме Србија“ во Белград, Вучиќ ќе зборува на централниот собир пред Народното собрание
-
Денеска е Лазарова сабота, утре Цветници - празници предвесници на Велигден
-
Викендов посебен режим на сообраќај во Скопје