-->
-->
Даут Харадинај: Апсењата наложени од Специјалниот суд повторно ќе ја активираат ОВК
-->
Првото апсење наложено од Специјалниот суд повторно ќе ја активира некогашната Ослободителна војска на Косово (ОВК), тврди братот на косовскиот премиер и пратеник во Парламентот, Даут Харадинај, пренесуваат приштински медиуми.
Даут Харадинај се споменува како еден од првите припадници на т.н. ОВК кој ќе се најде пред Специјалниот суд.
- Инструментот ОВК повторно ќе се активира на Косово кога ќе почнат апсењата по налог на Специјалниот суд, истакна Харадинај.
Тој додаде дека политичките партии на Косово требале да размислуваат за Специјалниот суд во 2015 година, а не да гласаат за формирање на овој трибунал.
- Јас не сум дел од военото крило, јас сум граѓанин на Косово. Мое најголемо достигнување е војната. Јас сум отворен и секогаш сум подготвен да ги поддржам другарите. ОВК не изврши злосторства, туку Србија, тврди братот на косовскиот премиер.
Како што наведува Харадинај, Специјалниот суд треба да се набљудува како „елемент што ќе му наштети на имиџот на Косово“.
Изјавата на Даут Харадинај следува по неодамнешниот неуспешен обид на партиите, кои произлегоа од ОВК, да го поништат законот во Парламентот за формирање на Специјален суд за извршени злосторства од ОВК.
Приштинскиот портал Инсајдери, повикувајќи се на извори блиски до судот, тврди дека Специјалниот суд ќе подигне обвинение против Даут Харадинај поради случајот „Радоњичко езеро“, односно за убиство на 39 Срби, Албанци и Роми за време на војната во Косово.
-->
-->
-->
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје