Дакота Фeнинг ќе снима ТВ серија
Дакота Фенинг (22), која како дете актер брилираше покрај Роберт де Ниро во „Криенка“, покрај Том Круз во „Војна на световите“ и во редица други филмски хитови, потпиша за првата своја главна улога во телевизиска серија.
Се работи за ТВ адаптација на криминалистичкиот роман „The Alienist" на Калеб Кар. Во главните улоги ќе се појават и Лук Еванс и Даниел Брул.
Дејствието на сагата се одвива во Њујорк во 1896 - време на индустриската револуција и на продлабочување на разликите меѓу богатите и сиромашните. По убиствата на неколку машки проститутки, комесарот Теодор Рузвелт (подоцнежен претседател на САД), го најмува криминалистичкиот психолог, доктор Ласло Крајцлер (Брул) и репортерот Џон Мур (Еванс), да спроведат затворена истрага. Фенинг ќе ја одигра секретарката Сара Хауард од тимот на Рузвелт, којашто има амбиции да стане првата жена детектив во „Големото Јаболко“.
Буџетот на серијата ќе изнесува пет милиони долари од епизода. Снимањето ќе започне наскоро во Будимпешта.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера