Дачиќ: Пронајдено тело на бебе при потрагата по настраданите мигранти во Дрина
Српскиот министер за внатрешни работи Ивица Дачиќ изјави дека припадниците на МВР при пребарување на Дрина во месноста Љубовија, каде што се преврте чамец со илегални мигранти, пронашле и тело на бебе, додека полицијата на Република Српска го извадил телото на уште едно машко лице од Дрина.
– За време на претрагата на теренот, која од синоќа интензивно се спроведува, припадниците на Министерството за внатрешни работи денеска околу 15:30 часот пронајдоа безживотно тело на деветмесечно бебе во местото Лоњин низводно од Дрина, во близина на брегот. За жал, тоа е десеттата жртва од превртувањето на чамецот со илегални мигранти кои од Србија се обиделе да ја преминат оваа река меѓу местото Дрлаче кај Љубовија и Орлица во општина Зворник, се вели во писмената изјава на српскиот министер за полиција.
Според соопштението, бебето било со мајката чие тело претходно денеска било извлечено од реката.
Припадниците на српското Министерство за внатрешни работи досега извлекле тела на шест мажи, жена и бебе, додека припадниците на полицијата на Република Српска пронашле тела на двајца мажи.
– Потрагата продолжува, информира Дачиќ.
Ново на Сител
-
Трамп повика на средба меѓу Украина и Русија во Турција оваа недела
-
ПМФЛ: Вардар го доби Работнички во градското дерби
-
Македонија ја совлада Литванија и се пласираше на ЕП 2026
-
Куче врзано за кола и влечено во Крива Паланка
-
Малолетничка пријавила дека доктор ја допирал по телото на клиниката „Мајка Тереза“
-
Папата Лав Четиринаесетти ги повика светските сили да ги прекинат сите војни
-
Мицкоски: Следната недела ќе имаме завршна средба со Таравари, Владата е стабилна и фокусирана на проекти
-
Вандали ја саботирале електричната инсталација во штипската модуларна болница