„Да го испратиме со песна нашиот Аки“ – последна почит на Градскиот плоштад во Скопје
На Градскиот плоштад во Скопје медиумски и музички работници денеска ќе му оддат последна почит на Аки Рахимовски, еден од најдобрите рок-вокалисти во регионот.
Кај тревникот пред „Пелистер“ во 13:00 часот ќе биде отворена Книга на жалост и ќе се слушаат неговите песни. Сите пријатели и обожаватели на Аки ќе можат да положат цвеќе или да запалат свеќа. Главното собирање е предвидено попладне, од 18:00 до 19:30 часот, кога хорови, пејачи и пријатели, заеднички, за збогување, ќе отпејат некои од најголемите хитови на „Парни ваљак“.
Оддавањето последна почит под мотото „Да го испратиме со песна нашиот Аки“ го организира радио „Бубамара“ со поддршка КЛС Саунд и Град Скопје, ден пред погребот на музичката мега ѕвезда во Загреб.
На Градскиот плоштад ќе може да се слушне и песната „Ако згрешам, нека изгорам“ на Пепи Бафтировски која Аки во клавирска придружба ја сними пред пет години во студиото на „Тавитјан брадерс“. Тоа е неговата последна снимка кај нас. Неделава, оваа песна се емитува како хит на „Бубамара“.
Аки Рахимовски преку четири децении беше пејач на „Парни ваљак“. Почина на 22 јануари 2022 година. Зад себе остави хитови со кои раснеа многу генерации.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово