Д-р Даниловски: Веројатноста да има повеќе случаи на британскиот сој во земјава е голема

- Веројатноста е голема дека на Нефрологија се шири новиот сој на коронавирусот со оглед на појава на поголем број случаи на мал простор за многу кратко време и мислам дека е неопходно одма да се испита за каков сој станува збор, не треба многу, треба само еден примерок од заболените да се анализира, вели доктор Даниловски.

- За среќа досегашните испитувања за вакцината покажуваат дека штитат и од британскиот мутант, барем засега. Прво се мислеше дека заразноста не е поголема од 35%, а од 27 јануари проценето е дека заразноста е 50-70% поголема од онаа на оригиналниот ова може да ја влоши епидемиолошката ситуација, дневниот број може рапидно да расте, пропорционално и бројот на починати. Извештајот од Англија минатата недела покажува дека и стапката на смртност кај новиот сој е 30-40% повисока, така што колективниот имунитет се надевам ќе оневозможи поголем скок на бројките кај нас, но едно нешто е вистина дека со природен имунитет никогаш до крај не се решила ниедна епидемија или пандемија туку само со примена на вакцини, така што вакцини ни се потребни колку што е можно побрзо, додава докторот.