Црногорската амбасадорка Петровиќ на презентација на регионалната соработка во јавното здравство

Амбасадата на Црна Гора во Република Македонија и Секретаријатот на Здравствената мрежа на ЈИЕ во соработка со „Добредојде“ – Macedonia Welcome Center организираат настан насловен „Црногорско утринско кафе“, на кој ќе биде презентирана важноста на регионалната соработка во јавното здравство.

На настанот што ќе се одржи во Музејот на македонската борба, амбасадорката на Црна Гора Марија Петровиќ ќе има пригодно воведно обраќање, а ќе говори и директорката на Секретаријатот на Здравствената мрежа на ЈИЕ, д-р Мира Јовановски-Дашиќ.

Ќе биде прикажан и промотивен филм „Добре дојдовте во Црна Гора“, посочуваат од Црногорската амбасада.