Црна Гора забрани новогодишни прослави
Од утре во Црна Гора стапуваат на сила нови мерки на Министерството за здравство за спречување на ширење на коронавирусот за време на новогодишните и божиќните празници и ќе важат до 11 јануари следната година.
Новите мерки забрануваат организирање новогодишни прослави на отворено и затворено.
За време на верските празници ноќта помеѓу 24 и 25 декември, ноќта помеѓу 5 и 6 јануари, како и ноќта помеѓу 6 и 7 јануари, на граѓаните ќе им биде дозволено да присуствуваат на традиционалните верски церемонии под веќе дефинирани услови за посета на верски објекти и за време на верски церемонии на отворено.
Директорот на Институтот за јавно здравје, Игор Галиќ, како гостин на „ТВ вјести“ рече дека епидемиолошката крива покажува мал тренд на опаѓање, но предупреди дека интензитетот на активноста на вирусот е на многу високо ниво. Оценувајќи дека состојбата е сè уште сериозна, тој ги повика граѓаните на разбирање.
„Секој вид собирање на отворен и затворен простор носи голем епидемиолошки ризик. Немаме механизми за спречување собирање во куќите, освен да апелираме до граѓаните, бидејќи ваквиот вид собирање носи голем епидемиолошки ризик“, рече тој и додаде дека меѓу 25 и 30 проценти се позитивни во однос на тестираниот број.
Ново на Сител
-
ССМ: Синдикална минимална кошница за мај 60.090 денари
-
Уапсени седум педофили во Србија, во становите пронајден детски порнографски материјал
-
Русија ги обвини САД дека сакаат да распоредат оружје во вселената
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет