Балкан
12. May 2020 - 20:24

Црна Гора ја укинува забраната за движење, се отвораат плажите

Од петок во целата држава е дозволен сообраќај со патнички и такси возила, а од понеделник и автобускиот и железничкиот сообраќај.

Угостителските објекти ќе бидат отворени во петок, а истиот ден се укинува и забраната за движење од 23 часот до 5 наутро, соопшти Владата на Црна Гора.

Во петок ќе бидат отворени и плажите, со мерки за дистанца.

Обврска на сопствениците е да ги истакнат информациите за мерките, вработените да носат маски и најмногу четири лица да бидат на маса (освен за семејствата).

Меѓу масите најмало растојание мора да биде два метри или параван, дезинфекција на рацете на влез и излез, без самопослужување, без стоење и задржување на шанк.

Претходно беше најавено дека угостителските објекти ќе почнат со работа од 18 мај.

– Од петок во целата држава е дозволен сообраќај со патнички и такси возила (бројот на лица согласно сообраќајната дозвола), а од понеделник и внатрешниот јавен патнички и железнички превоз“, соопшти Владата на Црна Гора.