Ципрас на Туск му ја истакнал важноста за отпочнување пристапни преговори за Северна Македонија и Албанија
Ја истакнав важноста што ја има почетокот на пристапни преговори за Северна Македонија, но и за Албанија, доколку ги почитува обврските во врска со грчкото национално малцинство, напиша лидерот на СИРИЗА, Алексис Ципрас на неговиот официјален профил на Фејсбук, по средбата со Доналд Туск, јави дописничката на МИА од Атина.
-Ручек со претседателот на Европскиот совет. Разговаравме за претстојниот европски совет, за Брегзит и за бегалската криза. Му ја истакнав важноста што ја има почетокот на пристапни преговори за Северна Македонија, но и за Албанија, доколку ги почитува обврските во врска со грчкото национално малцинство. Ја потенцирав потребата да се искористат санкциите, за кои одлучивме на минатиот совет против Турција за нелегалните активности во кипарската ексклузивна економска зона. На крај, му се заблагодарив за нашата конструктивна соработка во изминатите четири и пол години, напиша Ципрас на Фејсбук и објави фотографии од средбата со Туск.
Како што претходно објави МИА, претседателот на Европскиот совет се сретна и со грчкиот премиер Кирјакос Мицотакис, а на средбата станало збор за темите што ќе се најдат на агендата на ЕУ Самитот, следната седмица, во Брисел.
Доналд Туск денеска и утре е во Атина за конференцијата „Athens Democracy Forum”, а вечерва имаше обраќање за време на отворањето.
Ново на Сител
-
Малолетник и двајца мажи тепале битолчани кои им должеле пари
-
Исчезнаа уште 5 Непалци
-
Македонски автомобил учествувал во сообраќајна несреќа во Албанија
-
Славески: Советничките групи ќе поддржат дополнителни вработувања во „Комунална хигиена“ и средства за поправка на 30 автобуси на ЈСП
-
Мицкоски ќе ги замоли советниците од ВМРО-ДПМНЕ да ги изгласаат програмите што ги бара Арсовска
-
Летово зголемена фреквенцијата на патарината „Романовце“
-
Спречен шверц на 500 литри нафта од Македонија во Албанија
-
Бегалец од Шутка помагач во убиството кај Мавровка