ЦИА обучила мачка шпион којашто веднаш била прегазена од такси

Американската Централно-разузнавачка агенција (ЦИА) скоро ја тргна ознаката за доверливост и објави 12 милиони страници тајни документи на својата официјална интернет страница.

Рускиот историчар Генадиј Соколов веднаш по објавувањето се зафатил да ги прелистува тајните записи, и открил на пример, дека разузнавачката служба на САД потрошила 20 милиони долари за тренирање мачка шпион, која веднаш била прегазена од такси возило.

Тајната операција „Акустично маче” е спроведена во 1960-те под надзор на научникот Боб Бејли. Движењето на мачката се контролирало со помош на микрофон во нејзините уши.

Целта била „шпионот“ да влезе, на пример во Амбасадата на СССР во Вашингтон, и да снима разговори. Се надевале дека малото животно „опремено“ со опрема за прислушување, ќе умее да им се приближи на Русите, без да му обрнат особено внимание.

Мачето било прегазено од такси автомобил уште при првото тестирање.