Човиќ најавува разговори со Вучиќ за сите отворени прашања
Драган Човиќ хрватски член на Претседателството на БиХ и домаќин на политичкиот и економски собир во Мостар изјави за РТС дека ќе разговара со српскиот претседател Александар Вучиќ за сите теми што се недовршени и за тоа како да се зајакне економската соработка.
Во интервју за РТС, Човиќ вели дека очекува многу од средбата во Мостар.
– Голема благодарност до претседателот Вучиќ кој минатата година кога беше овде, прифати Србија да биде земја партнер. Тоа за нас значи многу бидејќи ова е една од најсилните во организациска смисла од број на излагачи до број на држави кои учествуваат, саемска манифестација од општ тип, изјави Човиќ.
– Со голем број излагачи од Србија и од БиХ, не само во економска смисла, врските што ни требаат може најдиректно да се градат со односи и настап на Србија како држава партнер, додаде тој.
Човиќ додава дека ќе се разговара за сите теми што се недовршени меѓу БиХ и Србија.
– Верувам дека и на политички план за нужен континуитет на нашите разговори, прашањето на границата на Србија и БиХ станува стратешко прашање. БиХ треба да го заврши бидејќи тоа многу ќе и помогне исто како и на Србија, истакна Човиќ.
Според него, економската размена може да се подигне евидентно во двете насоки.
Ново на Сител
-
Русија тврди дека Украина го нападнала Крим со американски ракети
-
СЗО: Копнен напад врз Рафа ќе доведе до крвопролевање
-
Четириесет и четири години од смртта на Јосип Броз Тито
-
Состојба на патиштата
-
Променливо облачно со повремени врнежи од дожд
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден