Човечки фактор причина за пожарот кај депонијата „Мелци“ во Кавадарци
Од човечки фактор намерно рано утринава беше запалена градската депонија „Мелци“, информираа попладнево од кавадаречки „Комуналец”.
– Во 4 часот изутрина беше повикана Противпожарната единица и пристапено кон гасење на пожарот. Веднаш се испратени уште три цистерни од „Комуналец” и уште едно противпожарно возило.
До 10 часот беше изгаснат пожарот. Во 11 часот се пристапи кон сипање со земја за спречување на чадот. Сипењето е извршено и сеуште се врши со 10 камиони и градежни машини од „Комуналец” и локална градежна оператива на приватни фирми од градот, информираат од претпријатието.
Оттаму додаваат дека досега се ставени околу 1.000 кубни метри земја и до околу 20 часот ќе се заврши со оваа постапка и целосно ќе биде локализиран пожарот на депонијата.
– Депонијата беше запалена од долниот дел кој е со длабочина од 30 метри и е непристапен за градежна оператива. Сепак, со напори на вработените во „Комуналец” и пожарникарите, пожарот беше изгаснат.
Апелираме на свесност во иднина, да не се прават вакви злодела и работи кои не доликуваат на времето во кое живееме. Апелираме и до граѓаните, запаливи материјали да не фрлаат во контејнерите затоа што штетите можат да бидат големи како по возниот парк на „Комуналец”, така и по здравата животна средина, нагласуваат од јавното претпријатие.
Се надеваат дека сторителите ќе бидат најдени и казнети во најкус можен рок.
Ново на Сител
-
ДИК: Oд обработени 63,59% oд гласовите Силјановска Давкова 214.560, Пендаровски 105.593
-
ДИК: Oд обработени 59.59% oд гласовите Силјановска Давкова 197.741 - Пендаровски 97.592
-
Двојна предност на Силјановска пред Пендаровски од 50,3% обработени гласа
-
ДИК: 46,36% oбработени
-
ВМРО-ДПМНЕ: Обработени 13,44% од гласовите - Силјановска Давкова 109.692, Пендаровски 48.553
-
Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера
-
ВМРО-ДПМНЕ: Од обработени 8,21% Силјановска Давкова 66.482, Пендаровски 28.490
-
Ѓорчев: На 15% на ниво на Македонија Силјановска Давкова 43.466, Пендаровски 18.213