Четири лица во карантин на брод на белгиско пристаниште

Четири лица се држат во карантин на брод во пристаништето Зебриж во Белгија.

Сомнителните лица се во изолација, а вкупниот број на патници на бродот изнесува три илјади, на кои за сега не им е дозволено да се симнат.

Властите соопштија дека еден од патниците бил во контакт со германски државјанин заразен од Ковид-19.

-Како превентивна мерка, ова лице и лицата кои го придружуваат се ставени во карантин, но ниеден од нив засега не покажуваат симптоми, така што не треба да се паничи во овој момент, изјавија претставници на пристаништето.

Белгиското Министерство за здравство е во контакт со управата на пристаништето за натамошните мерки.